Inicio » Creación » VIAXE AO PEQUENO REINO

VIAXE AO PEQUENO REINO

Outubro 2012
L M M X V S D
« Set   Nov »
1234567
891011121314
15161718192021
22232425262728
293031  

Introduce o teu enderezo de correo electrónico para subscribirte a este blogue e recibir notificacións dos novos artigos.

Únete aos outros 37 segidores

A piques de facer oito anos, a nena marchou no coche de liña o día da feira do 19 de setembro para volver a do 3 de outubro. Ía cos parentes de Rionaval, ao corazón dos Ancares. O papá dicía que habería que escribilo con b de nabo, que alí non había mar. Cando a nena soubo o que significaba tan bonito nome, o papá xa non vivía para llo explicar.

Fixo o final do camiño andando contra a noitiña pero non cansou. Uns días antes, mentres a mamá segaba herba na lameira de Outeiro, empezou a cavilar e descubriu que era pobre. Pero en Rionaval sentiuse rica. Os parentes tiñan cinco casas, unha moi amañada para vivir, prados esmeraldinos, viña, lagar, tear, unha chea de cortizos e moito gando. Pola mañá, almorzaba torradas con mel e manteiga de vaca xa antes de se erguer, como debían facer as princesas.

E alí estaba Joana, un pouquiño meirande, coa que xogaba e ía a todas partes. Joana quedara soa cando lle mataron os papás naquela cousa que chamaban guerra. Fórana buscar a Barcelona e aínda falaba catalán. Ensináballe palabras. A que máis lle gustaba a nena era paseig. Paseig era ir soltar os pozos aos prados, ver como colgaban as uvas, recoller pexegos por entre as cepas…

No hórreo grande había sacos baleiros gardados como unha reliquia. Estaban cheos de trigo, na casa que servía de almacén, a noite que chegaron os gardacivís buscando os escapados. Dicían que o parente os escondía e lles daba comida para levar ao monte. A familia negou que estivesen, pero non os convenceron e percorreron as casas todas. Ao chegar onda os sacos, pasáronos un por un a baioneta. Derramouse o trigo e tampouco estaban. Daquela pegáronlle unhas labazadas ao parente e marcharon. Joana sabía esta historia. Contoulla e foille ensinar os sacos cortados unha tarde en que as deixaron soas xogando na eira. Pero tivo que lle prometer que era un segredo entre as dúas.

O día do seu aniversario fixéronlle unha festa. A nena acordouse dos papás, pero alí estaba moi ben e pasou un día aínda máis bonito. E entre a solta dos pozos, a vendima, o labor do lagar, da tecelá e todos os paseigs foron pasando os días e chegou a noite do dous de outubro. Avisárona de que había que madrugar moito deloutro día para baixar ao Fabal e coller o coche de liña, que pasaba cedo. Había que se deitar xa e non houbo contos na cociña.

Foi a primeira vez que se ergueu e camiñou de noite, con coidado de non caer, aínda que levaban lanterna. Diante ían outros con facha, que alumeaba algo menos. Cando chegaron de volta e a levaron á súa casa, os papás puxéronse moi contentos e ela tamén, pero axiña se puxo a preparar roupa para volver, porque a quedaba agardando Joana.

Daquela os papás enfadáronse e reñéronlle. E ela chorou. E aínda chorou máis cando viu volver o autobús cargado de xente cara Cervantes.

Aquel fora o seu reino de quince días, o reino que levou ao fondo da memoria prados esmeraldinos, ecos de chocas por entre as uces e sabor a mel.

ANCARES, UN PARAÍSO

ANCARES, UN PARAÍSO

Advertisements

10 Comentarios

  1. Inma di:

    Boa noite, Profe!
    Qué sorte teño, coñocer a unha persona que escribe cousas tan bonitas…!

  2. Xosé Lois di:

    Unha fermosa historia, contada como un conto para nenos. Que herdanza máis fermosa que a mamoria dun nen@ se consrve tan lúcida.

  3. Graciñas, Xosé Lois. A memoria é un tesouro ao que hai que ir con frecuencia.

  4. Guillermo di:

    Es una historia real? Es realmente un recuerdo de la ninez? Has estado en Rionaval y lo recuerdas tan maravilloso?

    • Historia real, con las mejoras que la literatura pueden hacer a los textos. Es la historia de mi infancia que voy escribiendo así con la propia visión de la niña y que se completará después con otros puntos de vista. No sé si conoces el lugar. Si así fuese, me alegraría. Gracias por la lectura y por la nota.

  5. Guillermo di:

    Es realmente preciosa y muy sensible……. Felicitaciones!!!!!!!!

  6. Guillermo di:

    Hola Helena, le parecerá increible pero…. No solo conocemos la aldea sino que ademas hemos tenido la suerte de poder hacernos con un sitio en ella, “la casa Do Palleiro” y sus dependencias.
    No sabemos si es ésta la casa a la cual hace referencia en su relato pero…. Podría ser. Hemos conocido el lugar e inmediatamente nos ha cautivado, o enamorado, o tal vez ambas cosas a la vez jajajajajaja. Lo cierto es que nuestro mayor anhelo es devolverle al sitio todo su esplendor y en un futuro no muy lejano poder vivir alli y disfrutar de su tranquilidad, de su esencia y la energia revitalizadora de la naturaleza en su máxima expresión. Nos encantaría saber más acerca del lugar, de sus gentes y sus origenes para poder continuar de alguna manera mas fiel su legado.
    Unos vecinos nos han comentado que la señora que vivia en esa casa tenia un jardin precioso con rosales y flores muy bien arreglado, que plantaban trigo y…… Poca cosa más. Nos encantaria algun dia poder tener una charla con alguien que ha vivido una experiencia como la suya y que tenga un recuerdo tan bonito del lugar…… En breve estaremos de paseo por Galicia y sabemos que debe de ser una persona muy ocupada y no queremos robarle su valiosos tiempo, pero nos encantaría poder compartir aunque sea un cafe y tener una agradable charla…… Ojala fuese posible

  7. Preciado Guillermo: Que casualidades tiene la vida. Me alegra saber que las aldeas de Cervantes reciben nuevos vecinos que apreciaen lo que vale aquel paisaje, aunque entienda que los nativos las hayan abandonado por sus condiciones de trabajo y vida no suficiente mejorados como exigía el progreso de los tiempos.
    No recuerdo el nombre de la casa, pues era de unos parientes lejanos de mi madre y como tal los conocíamos. Eran los ricos de la aldea. El paterfamilias de aquella época estaba moi atacado por la artrosis y andaba con mucha dificultad. Tenía muchos hijos e hijas. El último hijo que traté se llamaba Ovidio. Seguro que alguien en la aldea podrá identificarlos.
    No sé el conocimiento que tiene Vd. de nuestro idioma, pero quizás no sepa que el nombre de la aldea significa moi probablemente “Río en el valle”.
    Efectivamente soy una persona ocupada, pero también me gustaría tomar ese café futuro.
    Un abrazo cordial,

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s

%d bloggers like this: